Abiria wengi nchini wanaotumia vyombo mbalimbali vya usafiri wamekuwa wakidhulumiwa haki zao za msingi sana ambazo wanatakiwa kuzipata pindi watumiapo vyombo mbalimbali vya usafiri kwa safari mbalimbali. Hali hii imewafanya wao kuzoea hali tofautitofauti ambazo wamekuwa wakikutana nazo za unyanyasaji na udharirishaji kama ni za kawaida katika sekta ya usafiri nchini.
Kutokana na kuliona hilo na kulithibitisha katika vyombo vingi vya usafirishaji, Blog hii imeamua kuanza kutoa elimu kwa jamii ya kuwawezesha kuzitambua haki zao za msingi kama ifuatavyo kwa kushirikiana na mamlaka ya usafiri wa majini na nchi kavu SUMATRA kupitia sheria zake za usafiri wa uma.
HAKI ZA WATUMIAJI
WA HUDUMA ZA USAFIRI WA NCHI KAVU NA MAJINI KWA MUJIBU WA KANUNI ZA
USAFIRISHAJI ZA MWAKA 2007 GN.218/2007
1. Haki ya kurudishiwa nauli chombo cha usafiri kinapochelewa
kuanza safari saa mbili baada ya muda uliopangwa kwenye ratiba na tiketi
(Kanuni No. 21-(2) ).
2.
Haki ya kupewa tiketi ndani ya ofisi ya mtoa huduma ya usafiri
husika na siyo vinginevyo (Kanuni ya 17-(1p) na ya 24-(1) ).
3.
Haki ya kutonyanyaswa kwa lugha za matusi au vitendo vyovyote
kinyume na taratibu au kwa mujibu wa haki za binadamu iwe kwa abiria mtu mzima
au mwanafunzi (Kanuni ya 18-(1a,g,h) ).
4.
Haki ya kufikishwa mwisho wa safari yaani kituo husika
anakoelekea abiria (Kanuni ya 18-(1d) ).
5.
Haki ya kutosimamishwa ndani ya chombo cha usafiri (kwa mabasi
ya mikoani) awapo safarini (Kanuni 17-1f) ).
6.
Haki ya kulipa nauli iliyoidhinishwa na Mamlaka ya SUMATRA na si
zaidi ya kiwango husika (Kanuniya 34-1,2,3) ).
7.
Haki ya kutoendeshwa na dereva mmoja (kwa mabasi ya mikoani)
zaidi ya saa nane (Kanuni ya 17-1g).
8.
haki ya kulindwa kwa mikanda ya usalama (Passengers seat belt)
wakati wote wa safari (Kanuni ya 17-1i).
9.
Haki ya kupata huduma muhimu za usafi, afya na taarifa
zinazohusiana na safari yake (Kanuni ya 17-1l,m,n).
10.
Haki ya kutolipia mzigo usiozidi kilogramu ishirini kwa mtu
mzima na kilogramu kumi kwa mtoto (Kanuni ya 23-1,2).
11.
Haki ya kurudishiwa nauli yote abiria pale anapohailisha safari
saa ishirini na nne au zaidi kabla ya muda wa safari wa chombo husika kama
ilivyoainishwa kwenye tiketi na ratiba (Kanuni ya 24-1,2,3).
12.
Haki ya kuhifadhiwa/kutunziwa vifaa au mali ya abiria
vinapothibitishwa kusahaulika ndani ya chombo cha usafiri husika (Kanuni ya
38).
13.
Haki ya kurudishiwa nauli pungufu ya asilimia kumi na tano tu ya
kiasi alicholipa kama ilivyoainishwa kwenye tiketi endapo abiria atavunja
safari ndani ya muda chini ya saa ishirini na nne kabla ya muda wa chombo cha
usafiri kuanza safari (Kanuni ya 24-3).
This is dummy text. It is not meant to be read. Accordingly, it is difficult to figure out when to end it. But then, this is dummy text. It is not meant to be read. Period.